الركض في الصيف وخلال الحَرّ

طقس بلادنا والرطوبة والحرّ بأشهر 6–8 بيلزمنا نتقيّد بتعليمات معيّنة حتى نتقدّم بالتمارين ونحمي جسمنا بنفس الوقت:

الترطيب

اشربوا ماء بكميات كافية قبل وخلال وبعد الركض. الجسم بهالطقس بيفقد عرق كثير ولازم تبريد مستمر حتى لو مش حاسّين بالعطش.

تعويض الأملاح

للأشخاص اللي بيعرقوا كثير أو بيحسّوا بهبوط وتعب بعد التمرين، بنصح بشدّة بدمج الأملاح (Isotonic / Electrolytes). بتعوّض النقص الحاد وبتسرّع الاستشفاء وبتخفّف التشنّجات.

لبس مناسب وتوقيت

البسوا طاقية أو غطاء يحمي الرأس من الشمس المباشرة، وحاولوا تركضوا بساعات بكير أو بعد العصر.

النفسية

الركض بالحرّ أصعب جسديًا ونفسيًا — هذا طبيعي، ما تخلّوه يأثّر عليكم. الجسم بحاجة وقت ليتأقلم، وكل جسم بيختلف. الأهم: بس يرجع الطقس البارد، راح تحسّوا بتحسّن ملحوظ وعالي بالأداء، والجسم "راح يرجع يفتح". أهم شي هلّق المواظبة والاستمرارية، وجسمكم ونفسيتكم راح يكافئوكم على كل نقطة عرق.